Om W-ORD

Personen bak W-ORD

Eg heiter Merethe Hjertø Flusund og har lang erfaring innan administrasjon, leiing, HR og HMSK-arbeid. Denne erfaringa dreg eg nytte av i arbeidet med å tilby språk- og administrasjonstenester til bedrifter og organisasjonar i Noreg og språkbyrå rundt om i verda. Språka eg nyttar er nynorsk, bokmål og engelsk.

Kompetansen min

Mi administrative erfaring har eg i hovedsak frå maritimt næringsliv på Sunnmøre, i stillingar som mannskapskoordinator, mannskapssjef, kontorleiar, administrasjonssjef og dagleg leiar.

Ansvarsområda har i hovudsak vore innanfor HR, administrasjon og HMSK. Eg har lang erfaring med engelske og norske styringssystem, bygd på ISM-koda og ISO-standardane for kvalitet og miljø. Utdanninga mi er innanfor HR og personalleiing, bedriftsøkonomi og marknadsføring, samt retorikk, kommunikasjon og leiing frå Handelshøyskolen BI.

Historia bak W-ORD

Eg lærte å lese og skrive før eg begynte på skulen ved å henge over skuldrane på storebroren min når han jobba med leksene, og eg gledde meg stort til å få eigne lekser. Norsk og engelsk var favorittfaga og eg var ein flittig gjest hos Jorunn, som dreiv eit lite bibliotek i kjellaren sin på Moltustranda, bygda der eg trødde mine barnesko.

Gjennom eit langt arbeidsliv har eg erfart at eg trivst aller best med oppgåver der mine evner i språk, organisering og administrasjon kjem andre til nytte. Eg har også erfart kva som skjer når tida ikkje strekk til, arbeidet hopar seg opp og stresset melder seg.

Eg veit der er eit udekka behov i norske bedrifter og organisasjonar for tilpassa, kortvarige, administrative tenester og språkhjelp. I tillegg har utanlandske byrå behov for norske språktenester.
“Kva om eg kan løyse andre sine utfordringar i kvardagen ved å gi dei tilbod om å gjere slike oppgåver for dei”, tenkte eg. Og no er eg her som din ekstra, midlertidige ressurs.